’برطانوی ماڈل کو مشرق وسطی میں سیکس کے لیے فروخت کیا جانا تھا‘

Image captionمس ایلنگ کو مبینہ طور پر 'بلیک ڈیتھ' کہلانے والے گینگ نے اغوا کر لیا تھا

اٹلی میں مبینہ طور پر ایک گینگ کے ہاتھوں اغوا ہونے والی برطانوی ماڈل کو کہا گیا تھا کہ انہیں مشرق وسطی میں ’سیکس‘ کے لیے فروخت کیا جائے گا۔

یہ بات ان کے وکیل فرانسسکو پیسچی نے میڈیا کو بتائی۔

خیال کیا جا رہا ہے کہ 20 سالہ کلوئی ایلنگ کو مبینہ طور پر ’بلیک ڈیتھ‘ کہلانے والے گینگ نے اغوا کر لیا تھا۔

اطالوی پولیس کا کہنا ہے کہ گینگ سے تعلق رکھنے والا ایک شخص انھیں خود برطانوی سفارتخانے لے گیا تھا اور اس طرح ان کی رہائی ممکن ہوئی۔ پولیس کا کہنا ہے کہ انہیں اب تک یہ معلوم نہیں ہو سکا کہ اس شخص نے ایسا کیوں کیا۔

'چھ ماہ تک ہر روز وہ میرا ریپ کرتا رہا‘

جنسی غلام بنائی جانے والی خواتین کی ’پہلی‘ ویڈیو

کلوئی ایلنگ ایک فوٹو شوٹ کے لیے میلان گئی تھیں جہاں انہیں مبینہ طور پر اغوا کر لیا گیا تھا۔

اس کے علاوہ اطالوی پولیس نے بتایا کہ مس ایلنگ پر دو افراد نے حملہ کیا تھا اور اس کے بعد انھیں کیٹامائن کے ذریعے بیہوش کر کے اغوا کر لیا۔ پولیس کے مطابق بظاہر وہ کلوئی ایلنگ کو آن لائن بولی کے ذریعے فروخت کرنے والے تھے۔

کہا جا رہا ہے کہ مبینہ طور پر اغوا کاروں نے انھیں آن لائن دو لاکھ 30 ہزار پاؤنڈز کے عوض فروخت کرنے کی کوشش کی اور دوسری جانب ان کے ایجنٹ سے ان کی رہائی کے لیے تاوان کا مطالبہ بھی کیا۔

وکیل فرانسسکو پیسچی نے مزید بتایا کہ جنوبی لندن میں کولسڈن سے تعلق رکھنے والی ماڈل ایلنگ نے انھیں بتایا کہ انھیں ’مشرق وسطیٰ میں سیکس کے لیے فروخت کیا جانا تھا۔‘

انھوں نے مزید بتایا کہ انھیں اپنے ہی اغوا کار کے ساتھ شاپنگ کے لیے اس لیے جانا پڑا کیوں کہ انھیں جان سے مار دینے کی دھمکی دی گئی تھی۔

ان کے وکیل کا کہنا ہے کہ ایلنگ سے کہا گیا تھا کہ شاپنگ کے دوران ’وہاں کچھ لوگ موجود ہوں گے جو ان کی کسی بھی حرکت پر انھیں جان سے مار دیں گے۔‘

تصویر کے کاپی رائٹAFP/GETTY IMAGES

Image captionاطالوی پولیس نے پولینڈ سے تعلق رکھنے والے مشتبہ شخص کو حراست میں لیا ہے۔

’لہذا انھوں نے فیصلہ کیا کہ وہ اغوا کار کے ساتھ اچھا برتاؤ کریں گی کیونکہ ان سے کہا گیا تھا کہ انھیں کبھی بھی کہیں بھی رہا کیا جا سکتا ہے۔‘

مس ایلنگ کا کہنا تھا کہ انھیں ’اس دردناک تجربے کے دوران اپنی زندگی کا خوف تھا۔‘

’میں اپنی رہائی کے لیے اطالوی اور برطانوی حکام کی انتہائی شکر گزار ہوں۔‘

اطالوی پولیس کا کہنا ہے کہ مس ایلنگ کو ایک گاڑی کے ذریعے بوریگل میں ایک مکان میں لے جایا گیا جہاں انھیں چھ دنوں تک ایک کمرے میں الماری کے ساتھ باندھ کر رکھا گیا۔

پولیس نے پولینڈ سے تعلق رکھنے والے مشتبہ شخص کو حراست میں لیا ہے۔